مصر تنتخب

هى مصر تنتخب و لا مصر تنتحب؟؟

!!

يلا مش مهم

!!!!

من الان لن اشاهد اى كلام عن مصر الحاضر و يكفينى حرقة دم مصر الماضى من كتب التاريخ

سلام و اشوفكم بعد يوم 9

لجنة انتخابات الرئاسة

اليوم رفضت اللجنة قبول حكم القضاء و بغض النظر عن طبيعة الحكم فهذه اللجنة مستقلة تماما و غير مسؤولة امام احد الا الله و لا يمكن الطعن فى قراراتها

نعم!!!! اشمعنا يعنى!! البهوات معصومين؟؟ و بعدين ايه موضوع الشخصيات العامة الى فيها دى!!!

هذا و قد قبل الشعب المصرى و القضاه الامتثال لقرارات هذه اللجنة على ان يكون تشكيلها المعدل كالاتى:

ان تشتمل على عضوية 5 من القضاة المبشرين بالجنة

ان تضم اللجنة بين صفوفها اثنين من الانبياء أحدهم على الاقل يحمل كتاب سماوى

ان تضم بين اعضائها اله واحد على الاقل على ان يحتسب صوته ب صوتين فى اى تصويت للجنة

شكرا للقضاء المصرى على موقفه المشرف فى الوقوف الى جانب عدالة السماء للاقتصاص من هذا الشعب الظالم

سلام

دعوة

بدءاً من ظهر الخميس 28 – 7 – 2005

في حديقة ساقية الصاوي

اتركوا وردة ، أقيدوا شمعة ، خطوا عبارة ، اتلوا آية ، ضعوا صورة ، ارسموا لوحة. شاركونا في التعبير عن مشاعر الحزن على ضحايا التفجيرات الارهابية ، و في اعلان آرائكم في مواجهة الارهاب.

تقوم الفكرة على تنظيم رد فعل شعبي ضد الهجمات في صورة فنية هادئة كما حدث بعد تفجيرات مدريد و لندن.

ركن صغير يضع كل واحد فيه ما يعبر عن تضامنه مع الضحايا: ورقة بأسمائهم، شموع، آيات من القرآن أو من الإنجيل، كلمة رقيقة، وردة أو باقة ورود، لافتة….إلخ
الأمر متروك لإبداع كل واحد

لن يكون هناك تظاهر ، و لا تجمع ، و لا هتافات ، و لا لافتات معادية للنظام. الهدف واضح و هو رفض شعبي هاديء للإرهاب الذي هو عدو الجميع.

سيستمر الأمر بإذن الله أياماً عديدة بعد ذلك ، فإذا لم تستطيعوا الحضور يوم الخميس القادم ، فيمكنكم الذهاب للساقية في أي يوم تال.

Invitation:

Starting from Thursday 28/07 at noon, in the garden of el sakkia (in Zamalek), you can leave anything to express your feelings about what happened in Sharm el-Sheikh and about terrorism.Just put anything you want, a picture, a poem, a candle, flowers…
No protest, no politics and no demonstrations! Just saying no to Terrorism, our common ennemy.
It will be open for sometime after this Thursday, so come anytime you like!

المصرى

من قبل ما أكتب انا عارف القول ضايع
والأجر بالتأكيد ذاهب حسب الشايع
……………………………
يامصري وانت اللي هاممني من دون الكل
هزيل ويحسبك الجاهل عيان بالسل
من بين الناس تصبر أنت علي كتر الذل
ونمت والعالم فايق قوم بص وطل
قوم شوف الشعوب
قول كلمتك
أصرخ وزعق
أتكلم ……وأرجع انسان
……………………………..
بتصرف* من اشعار بيرم التونسي

منقول

I know you should have got bored of me so I found it would be nice to add something not of my own in here hope you like it

 

الشهيد

السلاح شفى الجراح
حمى السلام رد اللى راح

على ارض سينا عمرى راح
فدا و تمن ادفعه بسماح

ترابها احمر صبغه دمى
اللى ف سبيلها سال و ساح

خطفها غاصب من جوه قلبى
و ساب فى قلبي كل الجراح

انا و زمايلى عايشين فى ذرة
رجعت بدمى دم فلاح

صونوها دايما و لا تفرطوا
في شبر من ارض الجراح

و يوم م تروح احس فعلا
ان عمرى هباء راح

انا الشهيد عايش ممتش
اموت بحق لو راح السلاح

انا الشهيد شايف بلادى
سابت عدوى ارضى استباح

سامع السكوت حاسس القنوط
بعد م كان الصوت صداح

لو تبقى امتي على حالها ساكتة
احس انى فعلا عمرى راح

Didication to those who gave

much and we didn’t even

remember them well in the day

they passed away, to those who

gave much back in 1967,

thousands of free innocent souls.

Written 29/2/2000

التعديل

قالوا و عادوا عن التعديل
قالوا عنه مفيش بديل
هو الحل و هو الامل
و ف ضلمة الغلابة قنديلقالوا و عادوا عن التعديل
قلنا بلاش فرقعة و تهويل
سمعت الناس ف الشوارع ماشية
بتقول أخيرا هينتهى الليل

قالوا و عادوا عن التعديل
اللى مفيهشى زيه مثيل
قالوا قواعده الشفافية
و شالوا حراميه و جابوا عصبجية

الناس نامت صحيت تحلم
بالامل و الغد المتبسم
طلعت جرايد الصبح بتندب
التعديل طلع هم تقيل

قالوا و عادوا عن التعديل
اللى مفيهشى زيه مثيل

بعد تعديل وزارى محبط عام 2000

Written 12/4/2000

 

حمار!!!!!

حمار وقف ف الميدان ينادى
مش لاقلى تبن يا ناس جعان

الهم تقيل و برضه عايش راضى
العالم الله ايه تانى كان ممكن كان

باعوا ف السوق كل ولادى
لجل الغيط و المزرعة و الرز و التبن كمان

عايش حياتى و عقلى ده فاضى
مش باين فى وشى غير بس ودان

مش قادر اتكلم و لا بصوتى انادى
من كتر م لجامى اتغرز ف السنان

غلبان و الغلب بقى عندى شىء عادى
مش فاضل م الغلب غير ابقى انسان

NEW

111482816808608658

فى قلب أرض أجدادى
فى حضن بلادى
و طيرها الشادى

أكل و حفر فى عمادى
دخيل و أعادى
و طيرها الشادى

سكت و سكوته بينادى
فى قلب الوادى
على الماضى و امجادى

خرس م الحزن و السادى
على الفراعنة الاحفاد
سايد و رجله ف الوادى

سالت الرايح و الغادى
فين راح الشادى
رد و قال ده كان ماضى

صرخت بحسرة ع الشادى
غناك راح فين
و صوتك الى كان بادى
يرن يزلزل الوادى

من السكوت خرج الشادى
فى رجل غريبة فى الوادى
و وقف اهل بلادى
ساكتين مكتوفى الايادى
فى قلب ارض اجدادى

written: 8/2/2000

أرب شوف

ارب شوف زمن مألوب
زمن أراجوز ماشى بالشألوب
شبابنا خلاص تاهو بالحبوب
و عندنا شلة من غير عيوب

*********

أرب أري و لا تستغرب
أحسن شباب تاه و اتغرب
و الناس بدم الفأر تتشرب
زمن عجيب كله مكرب

*********

أرب أرب عليا و اسمع
شلتنا شلة عيال مجدع
احسن ناس تقول و احنا نسمع
و كفايه عليهم..يعنى لازم تعمل؟؟؟

*********

ادخل عليا و اسمع و سدأ
ان الشله دخلها محندأ
و احنا غلابه و لا بندأأ
عقلنا مع الدخان طار و زأزأ

*********

تعالى و اسمعنى و قول اييه يعنى
تكون الكراسى فاضيه بتغنى
فضايح بالجمله…وقتهم ديق يعنى
و عن الباقيين ربنا هو المغنى

*********

شوفت يا صاحبى الدنيا جميلة
و فوقنا كلنا راية العيلة
و مهما كانت الخيبة تقيلة
هما غلابة ما بيدهم حيلة

**********

واحنا و بس بتوع العيبة
و نستاهل يمكن نبطل خيبة
ارب قولى من غير ريبة
احنا السبب بطلوا خيبة

written

8/2/2000